Ўзбекистонлик Муродбек Қодиров 1 сентябрда Москвада теракт уюштиришга тайёргарлик кўрганлиги юзасидан қўйилган айбни тан олди. Бу ҳақда «РИА Новости» хабар берди.
«Мен айбимни тан оламан… Мен айбдор эмасман, афсусдаман», — деган айбланувчи.
Мавзуга доир: Москвада 1 сентябрь куни теракт уюштирмоқчи бўлган шахслардан бири ўзбекистонлик бўлиб чиқди
Суд Федерал хавфсизлик хизматининг сўровини қаноатлантирган ва Қодировни ҳибсга олган. Қарор айбланувчи яшириниши ва қонунга қарши ҳаракатини давом эттириши мумкинлиги билан асосланган.
Прокурорнинг маълум қилишича, Муродбек Қодиров портлатиш йўли билан теракт тайёрлаш бўйича 2017 йилнинг август ойида Суриядаги ИШИД эмиссарларидан топшириқ олган. Одамлар кўп тўпланадиган жойда теракт уюштириш мақсадида ноқонуний равишда портловчи қурилма ясаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)