Тошкент давлат иқтисодиёт университети (халқ орасида «Нархоз» номи билан танилган), Ўзбекистон Милллий университети ҳамда Тошкент педиатрия тиббиёт институти («САМПИ»)нинг айрим таълим йўналишларида ўтказилган тест имтиҳонларида шубҳали тасодифлар қайд этилгани ҳақида аввал хабар берилган эди.
Мавзуга доир:— «Нархоз»даги «тасодифлар»: ТДИУдаги кириш имтиҳонлари бўйича шубҳали белгилар топилди— ЎзМУда ҳам ТДИУ кириш имтиҳонларидаги каби шубҳали «тасодифий ҳолат» аниқланди— «Шубҳали тасодифлар» эпидемияси: «САМПИ»га ўқишга кирган камида 40 абитуриент имтиҳонда ёнма-ён ўтирган
Институтнинг ўзбек тилидаги «Баҳолаш иши» таълим йўналишига 5 та давлат гранти, 35 та контракт асосида жами 40 абитуриент қабул қилиниши белгиланган. Тўлов-шартнома асосида кириш балли 130,8 баллни ташкил этган. «Йиқилган» абитуриентларнинг биринчиси 129,8 балл тўплаган. Иккинчиси — 96,2 балл, орадаги фарқ — 33,6 балл.
Ушбу йўналишда ўқишга қабул қилинган абитуриентларнинг жавоб варақалари рақамларига эътибор қаратилса:
- 75 43 123 дан 75 43 136 гача кетма-кет — жами 12 киши (жумладан, «йиқилган» биринчи абитуриент жавоблар варақаси рақами 75 43 129 ҳам шунинг ичида);
- 76 84 200 дан 76 84 227 гача кетма-кет — жами 28 киши ўқишга кирган.
Рус тилидаги «Суғурта иши» йўналишига давлат гранти асосида 1 киши, тўлов-шартномаси асосида 19 киши ўқишга қабул қилинган. Ўқишга кирган сўнгги абитуриент ва «йиқилган» биринчи абитуриент баллари орасидаги фарқ 20,1 ни ташкил этмоқда.
Ушбу йўналишда ўқишга қабул қилинган 18 нафар абитуриентнинг жавоб варақаси рақамлари қуйидагича:
- 75 42 941 дан 75 42 945 гача кетма-кет — 5 киши;
- 75 43 001 дан 75 43 013 гача кетма-кет — 13 киши.
Ўзбек тилидаги «Касбий таълим: молия» йўналишида 1 та давлат гранти, 14 та тўлов-шартнома асосида жами 15та талаба қабул қилиниши белгиланган.
Ўқишга қабул қилинган абитуриентларнинг жавоб варақаси рақамларига эътибор қилсак, 76 83 648 дан 76 83 662 гача бўлган кетма кетликда 15 талаба қабул қилинганига гувоҳ бўламиз. Яъни, шу гуруҳдан ташқаридагиларда мутлақо имконият қолдирилмаган.
Институтнинг аксарият факультетларида 2017 йилги қабул вақтида конкурслар юқори — 1 ўринга 6 ёки 7 абитуриент курашганига қарамай, номлари зикр этилган таълим йўналишлари конкурс энг кичик бўлганлари қаторида (булардан ташқари, ўзбек тилидаги «Пенсия иши» ва «Давлат бюджетининг ғазна ижроси» йўналишларида ҳам конкурслар нисбатан паст).
«Kun.uz» нашри мазкур ўрганиш натижаларини 28 август куни эълон қилган. Тошкент молия институти раҳбарияти ҳозирча мазкур ҳолат бўйича бирор изоҳ бермаган.
Изоҳ (0)