Ўзбекистон Президенти Шавкат Мирзиёев Бекобод шаҳри фаоллари билан учрашуви давомида мамлакатда Тошкент вилояти каби бой имкониятларга эга ҳудуд деярли йўқ эканини алоҳида таъкидлади.
Шунга қарамай, Президентнинг қайд этишича, вилоятдаги жорий аҳвол ҳозирги талабларга жавоб бермайди. Шавкат Мирзиёевнинг таъкидлашича, мустақиллик йилларида Тошкент вилоятига баракали ҳоким насиб этмаган.
Мавзуга доир: Тошкент вилоятининг барча ҳокимлари — битта суратда
Одамларнинг дарди билан яшаш энг катта, якка-ю ягона мақсадимиз. Ўзингиз гувоҳ бўлиб турибсиз, Тошкент вилоятига учинчи марта келяпман. Нима учун? Тошкент вилояти мустақиллик йилларида ҳамма соҳалар бўйича ривожланишда орқада қолгани адолатли ҳақиқат.Ер ости, ер усти бойликларига эга бўлган, қудратли, меҳнаткаш халқи бор бу вилоятдаги яшаш даражаси ҳозирги талабга жавоб бермайди десак, бу ҳам адолатдан бўлади. Умуман, мустақиллик йилларида Тошкент вилоятига эга топилмади, бирорта баракали ҳоким келмади десак, бу ҳам ҳақиқат.
Биласизми, мен ҳам иккита вилоятга ҳоким бўлганман. Оғир-оғир вилоятларда ишлаганман. Тошкент вилоятидаги каби имкониятларга, халққа, қудратга эга бошқа вилоят йўқ десам, менга ишонинглар. Суви, айниқса, ерини айтмасизларми! Жиззах вилоятида 74 фоиз ерлар шўрланган, Тошкент вилоятида эса 14 фоиз.
Иккинчидан, Самарқанд вилоятида Олмалиқ каби Худо берган кони йўқ. «Эй, мусулмон, мани ол, халқингга хизмат қил, ишлат», деган бундай замин йўқ, десак бу ҳам тўғри бўлади. Шу нуқтаи назардан, Бекободдаги «Ўзбекистон металлургия комбинати»нинг ҳозирги аҳволи иқтисодиётни ҳам, Бекободни ҳам, мени ҳам қониқтирмайди.
Шавкат Мирзиёев, Ўзбекистон Президенти
Изоҳ (0)