Австрия армияси зобити Афғонистондаги ҳарбий базада америкалик ҳарбий хизматчининг тиззасига ўқ узди. Бу ҳақда Австрия мудофаа ва спорт вазирлиги маълум қилди, дея хабар беради «ТАСС».
Ҳодиса Кобулда 26 август, шанба куни рўй берди. Австрия армияси майори «Глок» хизмат тўппончасидан турар-жой контейнерида ўқ узди, ўқ девордан ўтиб, АҚШ армияси ҳарбий хизматчисини яралади.
Австрия ҳарбийларига кўра, гап тасодиф ҳақида кетмоқда: зобит отиш машқларидан сўнг тўппончани ўқдан холи қилишни унутган ва унда патрон қолган бўлиши мумкин.
Аскар жароҳатини даволаш учун АҚШга жўнатилди. Австриялик зобит ҳам яқин орада ватанига юборилади ва бу ерда текширув ўтказилиб, унга нисбатан интизомий чора кўрилади.
Изоҳ (0)