Сурия шимолидаги ИШИД назоратида бўлган Раққа шаҳрини озод қилиш икки ой мобайнида якунланади. Бу ҳақда «Демократик Сурия кучлари» қуролли коалицияси зобити Наврўз Аҳмад маълум қилди, дея хабар беради «ТАСС».
«Биз Раққа учун жанг якунланадиган аниқ муддатни айта олмаймиз, чунки урушнинг ўз қонуниятлари бор. Бироқ бу кампания узоқ давом этишини ҳам кутаётганимиз йўқ: ҳисоб-китобларимизга кўра, жанг икки ойдан ортиққа чўзилмайди», — деди қуролли мухолифат вакили.
Наврўз Аҳмад ҳозирда «Демократик Сурия кучлари» Раққа жануби-шарқидаги ИШИДнинг кўплаб жангчилари қочган Дайр аз-Зор вилоятига ҳужумни режалаштирмаётганини билдирди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)