АҚШлик миллионер тадбиркор узоқ вақтдан буён давом этаётган ажрашиш жараёни авжига чиққан пайтда ўз рафиқасининг ўғирлаб кетилишини ташкиллаштирди, деб ёзади Forum Daily.
49 ёшли Лоуренс Майкл Хендли 11 август куни, рафиқаси икки нафар қуролли шахслар томонидан ўғирлаб кетилганидан кейин тўрт кун ўтгач, ҳибсга олинди. 15 август куни миллионернинг рафиқаси судга, унинг сўзларига кўра, турмуш ўртоғи ташкиллаштирган ўғрилик батафсил таърифлаб берилган ҳужжатларни тақдим этди.
Аёлнинг сўзларига кўра, Хендли икки нафар жиноятчини ёллаб, уларга рафиқасини ўғирлаш, боғлаб қўйиш ва унга шафқатсиз муносабатда бўлиш учун зарур барча буюмларни тақдим этган. Ўзи эса жиноят учун жавобгарликдан қочиш учун самолёт ёллаган.
6 август куни улар аёлни Луизиана штатининг Лафайетт шаҳридаги уйидан ўғирлаб кетган. Ўғрилар аёлни махфий жойга олиб бориши ва эрига топшириши керак бўлган. Аммо икки эркак тирбандликдан қочиш учун йўл четидан юргани сабабли, полиция эътиборига тушган. Полиция аёлни озод қилган, жиноятчилар эса полициядан қочишга уриниб, каналга чўкиб кетди, уларнинг жасадлари эртаси куни топилди.
Аёлнинг сўрови билан Хендлининг у яшайдиган туманга яқин келиши тақиқлаб қўйилди.
Ушбу иш бўйича суд санаси ҳозирча белгилангани йўқ.
Изоҳ (0)