Шимолий Кореянинг БМТдаги доимий вакили Хавфсизлик кенгаши йиғилишида АҚШ ва Жанубий Корея ҳамкорликда ўтказаётган Ulchi Freedom Guardian машғулотларини муҳокама этишни талаб қилди. Бу ҳақда «ТАСС» хабар бермоқда.
«КХДР БМТ Хавфсизлик кенгашидан кун тартибининг фавқулодда банди сифатида қўшма ҳарбий машғулотлар масаласини кўриб чиқишни қатъий сўрайди. Агар сўров яна рад этилса, бу кенгаш дунёда тинчлик ва хавфсизликни таъминлаш учун жавобгарликни зиммасидан соқит қилганини англатади», — дейилади Шимолий Корея томони баёнотида.
Шимолий Корея БМТ Хавфсизлик кенгашига мазкур сўровни 25 август, жума куни тақдим этгани билдирилмоқда.
Изоҳ (0)