Буюк Британия Махсус ҳаво хизмати (Special Air Service, SAS) Дональд Трамп таклиф этган янги стратегияни қўллаб-қувватлаш учун Афғонистонга қайтишга тайёр. Бу ҳақда мамлакат армиясидаги манбаларга таяниб, The Sunday Times маълум қилди, дея хабар беради «РБК».
Лондон ҳозирча АҚШдан ҳарбий контингентни кўпайтиришга расмий сўров олгани йўқ, бироқ маҳаллий вазирларнинг бу амалга ошишига ишончи комил. Мамлакат бош вазири Тереза Мэй Афғонистонда махсус бўлинма гуруҳи кўпайтирилишини маъқуллаши кутилмоқда.
Махсус бўлинма Афғонистонда толиблар етакчилари, ИШИД ва «Ал-Қоида» жангариларини йўқ қилишга эътиборини қаратади. Уларни қўллаб-қувватлаш учун учувчисиз учиш қурилмалари ва жанговар самолётлар ҳам юборилади.
Маълумот учун, Афғонистонда айни пайтда британиялик 500 нафарга яқин ҳарбий бўлиб, улар асосан маҳаллий зобитларни ўқитиш билан шуғулланади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)