Тошкент шаҳар Ички ишлар бош бошқармаси матбуот хизмати 25 август куни шаҳарда кекса кишиларга нисбатан жиноятлар кўпайгани муносабати билан қидирувга берилган қатор шахсларнинг алоҳида белгилари ҳақида ахборот эълон қилди.
Қидирувга берилган шахслардан бири ҳақидаги маълумотлар ижтимоий тармоқ фойдаланувчиларининг кескин эътирозларига сабаб бўлди. «Ёши 35—40 ларда, бўйи 170—175 сантиметр бўлган, сочлари қора, сийрак, олд тараф сочи тўкилган, ўрта гавдали, ўзбек ва рус тилларида яхши сўзлаша олади»ган шахснинг яна бир алоҳида белгиси сифатида «кийинишидан вилоятлик шахсларга ўхшаши» қайд этилган эди.
Айнан «кийинишидан вилоятлик шахсларга ўхшаш» жумласи ижтимоий тармоқларда кескин норозиликларга сабаб бўлди, тармоқ фойдаланувчилари ИИББнинг бундай ахборотига қатъий норозилик билдирди.
Айни вақтда, ИИБнинг мазкур ахборотини киноя билан қабул қилган, унга ҳазил-мутойиба орқали муносабат билдирганлар ҳам талайгина.
Viloyatlik va Shaharlikka ajratish rasmiy IIBB miqyosda oddiy hol kabi ommalashyapti... https://t.co/21liNFMyAG
— Latif (@Adkhmv) August 25, 2017
вилоятлик шахсларга ўхшаб уйқусиравоман
— Азиз Қаршиев (@timonus23) August 25, 2017
э, қишлоқи! https://t.co/AfswsgnVgY
— Zafar Qosim (@ZafarQosimov) August 25, 2017
Вилоятликларга ўхшаб кийинвогани учун бермагандим.
— ™ (@murodov_) August 25, 2017
Тўғри қиганаканман 2/2
Э вилоятбашара!
— Herolion (@Aslanov_K) August 25, 2017
Кийиниши вилоятликка ўхшайди, аммо русча билиши вилоятликка ўхшамайди https://t.co/F8Lvouv7Ef
— Herolion (@Aslanov_K) August 25, 2017
Жамоатчиликнинг кескин муносабати, бу ҳақда интернет-нашрларда берилган хабарлардан сўнг, ИИББ гумонланувчи ҳақидаги фотоматериалдан «кийинишидан вилоятлик шахсларга ўхшаш» ёзувини олиб ташлади. Худди шу фотоматериалнинг русчасида гумонланувчи «яхши кийингани» қайд этилган.
Мавзуга доир:Фото: Тошкент ИИББ «кийинишидан вилоятликка ўхшаш шахс» ҳақидаги ўз фотоматериалини ўзгартирди
Ижтимоий тармоқ фойдаланувчилари бу ҳолатни-да эътиборсиз қолдира олмаган. «Яхши кийинган вилоятлик — милиционерлардан бир ‘комплимент’», — деб ёзган Twitter фойдаланувчиларидан бири.
Изоҳ (0)