Toshkent shahar Ichki ishlar bosh boshqarmasi matbuot xizmati 25-avgust kuni shaharda keksa kishilarga nisbatan jinoyatlar ko‘paygani munosabati bilan qidiruvga berilgan qator shaxslarning alohida belgilari haqida axborot e’lon qildi.
Qidiruvga berilgan shaxslardan biri haqidagi ma’lumotlar ijtimoiy tarmoq foydalanuvchilarining keskin e’tirozlariga sabab bo‘ldi. “Yoshi 35—40 larda, bo‘yi 170—175 santimetr bo‘lgan, sochlari qora, siyrak, old taraf sochi to‘kilgan, o‘rta gavdali, o‘zbek va rus tillarida yaxshi so‘zlasha oladi”gan shaxsning yana bir alohida belgisi sifatida “kiyinishidan viloyatlik shaxslarga o‘xshashi” qayd etilgan edi.
Aynan “kiyinishidan viloyatlik shaxslarga o‘xshash” jumlasi ijtimoiy tarmoqlarda keskin noroziliklarga sabab bo‘ldi, tarmoq foydalanuvchilari IIBBning bunday axborotiga qat’iy norozilik bildirdi.
Ayni vaqtda, IIBning mazkur axborotini kinoya bilan qabul qilgan, unga hazil-mutoyiba orqali munosabat bildirganlar ham talaygina.
Viloyatlik va Shaharlikka ajratish rasmiy IIBB miqyosda oddiy hol kabi ommalashyapti... https://t.co/21liNFMyAG
— Latif (@Adkhmv) August 25, 2017
вилоятлик шахсларга ўхшаб уйқусиравоман
— Азиз Қаршиев (@timonus23) August 25, 2017
э, қишлоқи! https://t.co/AfswsgnVgY
— Zafar Qosim (@ZafarQosimov) August 25, 2017
Вилоятликларга ўхшаб кийинвогани учун бермагандим.
— ™ (@murodov_) August 25, 2017
Тўғри қиганаканман 2/2
Э вилоятбашара!
— Herolion (@Aslanov_K) August 25, 2017
Кийиниши вилоятликка ўхшайди, аммо русча билиши вилоятликка ўхшамайди https://t.co/F8Lvouv7Ef
— Herolion (@Aslanov_K) August 25, 2017
Jamoatchilikning keskin munosabati, bu haqda internet-nashrlarda berilgan xabarlardan so‘ng, IIBB gumonlanuvchi haqidagi fotomaterialdan “kiyinishidan viloyatlik shaxslarga o‘xshash” yozuvini olib tashladi. Xuddi shu fotomaterialning ruschasida gumonlanuvchi “yaxshi kiyingani” qayd etilgan.
Mavzuga doir:Foto: Toshkent IIBB “kiyinishidan viloyatlikka o‘xshash shaxs” haqidagi o‘z fotomaterialini o‘zgartirdi
Ijtimoiy tarmoq foydalanuvchilari bu holatni-da e’tiborsiz qoldira olmagan. “Yaxshi kiyingan viloyatlik — militsionerlardan bir ‘kompliment’”, — deb yozgan Twitter foydalanuvchilaridan biri.
Izoh (0)