ЎзМТРКнинг «Ўзбекистон» телеканали, «Янги жамият» студияси бош муҳаррири, «Муносабат» кўрсатуви бошловчиси Қуддус Аъзам «Дўстлик» ордени билан мукофотланди.
«Ўзбекистон 24»нинг хабар беришича, Қуддус Аъзам Ўзбекистон Президенти Шавкат Мирзиёевнинг «Ўзбекистон Республикаси мустақиллигининг йигирма олти йиллиги муносабати билан фан, таълим, соғлиқни сақлаш, адабиёт, маданият, санъат, маънавият ва маърифат, оммавий ахборот воситалари ҳамда ижтимоий соҳалар ходимларидан бир гуруҳини мукофотлаш тўғрисида»ги фармонига мувофиқ, тақдирланган.
Фармонга кўра, «Наманган ҳақиқати» газетаси бўлим мудири Рислиқ Мажнунова ва «Правда Востока» газетаси бўлим мудири Тимур Низаев «Ўзбекистонда хизмат кўрсатган журналист» фахрий унвони билан тақдирланган.
Ўзбекистон Миллий университети журналистика факультети Телевидение ва радиоэшиттириш кафедраси профессори Ҳамидулла Акбаров «Меҳнат шуҳрати» ордени билан мукофотланган.
Тақдирланганларнинг тўлиқ рўйхати билан бу ерда танишиш мумкин.
Изоҳ (0)