Юлдузларга хос бўлмаган хислат: Оддий ҳаёт кечирувчи машҳурлар

Барча машҳурлар ҳам ҳашаматли ҳаёт кечирмайди. Моpster нашри шоҳона ҳаёт кечиришга бойлиги бўлса-да, бироқ оддий ҳаётни маъқул кўрган юлдузлар ҳақида маълумот тўплаб тақдим этди.

Женнифер Лоуренс

Женнифер Лоуренс айни вақтда Голливуднинг талабгор актрисаларидан бири бўлишига қарамай, у машҳурликка берилиб ўзидан кетиб қолмаган. У қиммат уй ва автомобиллар сотиб олишга берилиб кетмаган. Ихтиёрида Лос-Анжелесдаги оддий квартира ва тежамкор Volkswagen ҳамда Chevrolet бор. Шунингдек, Женнифер бошқа «юлдузлар» каби бутикларда юришни эмас, оддий дўконларни маъқул кўради.

Сара Мишель Геллер

«Шафқатсиз ўйинлар» ва «Скуби-Ду» каби фильмлар орқали машҳурликка эришган актрисанинг икки нафар фарзанди бор. У турмуш ўртоғи кичик шаҳзода Фредди билан оммага кўриниш беравермайди. Уларнинг бойлиги тахминан 15 миллион долларга тенг, бироқ оила жуда оддий ҳаёт кечиришади.

Тайра Бэнкс

Собиқ модель ва «Американча топ-модель» шоусига асос солган Тайранинг бойлиги 75 миллион долларга тенг, бироқ у пулларини бекордан-бекорга сарфлашга шошилмайди. У бирор нима сотиб олишни режалаштираётганида «керак» ёки «керак эмас» томонларини ўзаро тарозида тортиб кўради.

Леонардо Ди Каприо

Голливуд актёрининг давлати 200 миллион долларга баҳоланган, бироқ у 2,4 миллион долларга орол сотиб олганини айтмаса айтарли пул сарфламаган. Унинг ихтиёрида битта автомобиль мавжуд. Бундан ташқари у хайрия ишлари фаол қатнашади ва атроф-муҳит ҳимоячиси ҳисобланади. Шунингдек, Лео Африкада ичимлик сувини тозалаш бўйича лойиҳада иштирок этиб, 500 минг одамни ҳаётини сақлаб қолишга ҳаракат қилади.

Ева Лонгория

Ева камбағал мексикаликлар оиласида туғилган ва оч қолган вақтларини жуда яхши эслайди. Унинг ҳисобида 35 миллион доллар атрофида маблағ бўлишига қарамасдан Ева пулларни эҳтиёт қиладиган аёл ҳисобланади.

Тоби Магуайр

«Ўргимчак одам» фильми билан машҳурликка эришган Тоби жуда оддий ҳаёт кечиради. Интервьюлардан бирида у барча пулларни исроф қилиб юбориб, кейин пул учун кинода суратга тушишни истамаслигини маълум қилган.

Рене Заллвегер

Техаслик Рененинг сўзларига кўра, улар ёшлигида жуда оддий ҳаёт кечиришган ва отаси доим унга табиатни ва ресурсларни асраш кераклигини уқтирган. Ҳозирда Рененинг каттагина бойлиги бўлишига қарамай, у ҳашаматда яшамайди.