Ўзбекистон ва Қорақалпоғистонда хизмат кўрсатган артист Махсет Ўтемуратов бугунги кунда Қорақалпоғистон Республикасида хизмат қилиб келаётган ҳамда хизмат кўрсатган артист унвонига лойиқ кўрилган хонандаларнинг бирортаси ҳам бу номга муносиб эмаслиги ҳақида гапирди. Бу ҳақда «KRuz.uz» маълум қилди.

2010 йилдан буён Қорақалпоғистон Республикасида хизмат кўрсатган артист унвонини олган хонандаларнинг кўпчилигида 3-4 та қўшиғини инобатга олмаганда, ҳатто ўзининг репертуари ҳам йўқ. Қорақалпоғистонда хизмат кўрсатган артистларнинг ҳар бири, якка ўзи ҳар бир туманда «ўзининг якка концертингни берасан», деган топшириқ бўлганида ҳаммаси билинар эди. Ўша хизмат кўрсатган артист 2 соат давомида, бир ўзи концерт бера олармикан.

Махсет Ўтемуратов, Қорақалпоғистонда хизмат кўрсатган артист 

Хонандалар унвонни оқлаши учун нима қилишлари керак деган саволга хонанда қуйидагича жавоб қайтарган:

Ўз устида ишлаши керак, репертуарини бойитиши лозим. Шу унвонни халқимиз раҳбарлари нима учун сизга берди? Ўзига ўзи савол бериши керак. Нима учун берди? Мен нима қилишим керак? Хизмат қилиш керак. Қандай хизмат қилиш керак? Бориб 10 хонанда ичида хизмат қилиш керак эмас. Туманларга борсин. Энг чекка туманларга бориб бир ўзи 2 соат концерт берсин қани.

Махсет Ўтемуратов, Қорақалпоғистонда хизмат кўрсатган артист