Барселона марказидаги Рамбла кўчасида теракт қурбонлари хотирасига ёдгорлик ўрнатилади. Бу ҳақда Каталония ички ишлар вазирлиги маслаҳатчиси Хоаким Форннинг хабарига таяниб, «Интерфакс» маълум қилди.
Унинг сўзларига кўра, ёдгорлик теракт оқибатида жабрланганлар, шу кўчада ишлайдиганлар ва яқин атрофда яшайдиганлар иштирокида яратилади.
Бундан ташқари, ҳукумат шаҳарнинг марказий кўчаларида полициячилар сонини кўпайтириш ва одамлар кўп тўпланадиган жойларни автомобиллар ҳаракатланадиган йўлдан ажратувчи кўпроқ тўсиқлар ўрнатишни режалаштирмоқда.
Изоҳ (0)