АҚШ бошчилигидаги халқаро коалиция Суриянинг Раққа шаҳрига берган авиазарба оқибатида сутка давомида 78 киши ҳалок бўлди. Бу ҳақда SANA агентлиги маълум қилди, дея хабар беради «Ведомости».
Шунингдек, агентликка кўра, Раққага авиаҳужумдан икки кун аввал коалиция самолётларининг Ал-Хасака вилоятидаги Жизза қишлоғига берган зарбаси 20 кишининг умрига зомин бўлган.
БМТ да Раққада ўнлаб кишиларнинг қурбон бўлгани ҳақидаги хабар «тасдиқланмаган» деб изоҳланди, бироқ тинч аҳолига нисбатан ҳар қандай ҳужумлар қоралашга лойиқ эканлиги билдирилди.
Бош котибнинг расмий вакили Стефан Дюжаррик «қурбонлар ҳақидаги маълумот тасдиқланса, бу урушнинг залворли юки тинч аҳолига тушиши ҳақидаги аянчли эслатма бўлиши»ни маълум қилди.
Изоҳ (0)