Барселона ва Камбрилсда юз берган теракт ташкилотчиси имом Абдулбоқи ас-Сатий Испаниядан уч йил аввал чиқариб юборилиши керак бўлган. Ўшанда у қамоқ жазосини ўтаб бўлган эди. Бу ҳақда Mundo газетасига таяниб, «РИА Новости» хабар берди.
Ҳукумат келиб чиқиши Марокашдан бўлган бу шахсни озодликка чиққанидан сўнг дарҳол депортация қилмоқчи бўлган. Бироқ ас-Сатий ўз аппеляциясида бундай қарор халқаро ҳуқуқ нуқтаи назаридан унинг ҳуқуқларини бузишини маълум қилган. Суд жараёнида имомни депортация қилиш ҳақидаги қарор бажарилмаган.
Изоҳ (0)