Италия қутқарув хизматлари мамлакатнинг Искя оролида юз берган зилзиладан сўнг қулаган уй вайроналари остида бўлган 11 ёшли болани топди. Бу ҳақда «Интерфакс» хабар бермоқда.
Хабар беришларича, болакай зилзиладан кейинги 13 соат давомида бино вайроналари остида қолиб кетган. Аввалроқ унинг икки укаси қутқарилган эди — улардан бири етти ойлик, иккинчиси эса саккиз ёшда.
Аввалроқ Неапол кўрфазида жойлашган оролда магнитудаси 4 га тенг, ўчоғи тахминан 5 километр чуқурликда бўлган зилзила юз берган эди. Ҳодиса оқибатида икки киши ҳалок бўлган, 40 га яқин одам тан жароҳати олган, 2,6 минг киши ўз уйини ташлаб чиқишга мажбур бўлган.
Маҳаллий маъмурият битта меҳмонхонани ва ҳудудий касалхона биносининг бир қисмини эвакуация қилди; ўнлаб хонадонлар вайрон бўлган, кўплаб одамлар тунни кўчада ўтказишга мажбур бўлган.
Изоҳ (0)