АҚШнинг айрим иттифоқдошлари Афғонистондаги ҳарбий контингентини кўпайтиришга мойил бўлиб турибди. Бу ҳақда АҚШ мудофаа вазири Жеймс Мэттис маълум қилди, дея хабар беради «ТАСС».
«Қуролли кучлар штаб бошлиқлари қўмитаси раҳбари Жозеф Данфордга президент стратегиясини амалга оширишга тайёргарлик кўришни топширдим. НАТО бош котиби ва айримлари контингент сонини оширишга мойил бўлган иттифоқдошларимиз билан алоқада бўламан. Биргаликда афғон хавфсизлик кучларига террорчилар тармоғини йўқ қилишда ёрдам берамиз», — дейилади вазир баёнотида.
АҚШ президенти Дональд Трамп 21 август, душанба куни Афғонистон бўйича янги стратегия ҳақида эълон қилди. Унда Вашингтон эндиликда мамлакатдаги ҳарбий контингенти сони ва ҳарбий операциялар бошланиши ҳамда якунланиши ҳақида маълум қилмаслигига урғу берилган.
Изоҳ (0)