Наманган вилоят ИИБ ходими Исоқжон Жамалов халқаро қидирувда бўлган ашаддий жиноятчини қўлга олиш давомида гранатани зарарсизлантириш чоғи жароҳат олган ва саломатлиги сабабли нафақага чиқарилганди. Бу ҳақда «Дарё»га вилоят ИИБ матбуот хизмати хабар бермоқда.
У кўрсатган хизматлари учун Ўзбекистон Президенти Фармонига мувофиқ «Жасорат» медали билан мукофотланди. Саломатлиги доимий назоратда, оиласи, хусусан, фарзандлари Ички ишлар бошқармаси томонидан ҳомийликка олиниб, зарур анжомлар билан таъминлаб келинмоқда.
«Халқ билан мулоқот ва инсон манфаатлари йили» муносабати билан айни кунларда Исоқжон Жамалов учун вилоят ИИБ томонидан топширилган уйда якуний таъмирлаш ишлари олиб борилмоқда. Янги дарвоза ва эшиклар ўрнатилиб, уй шифти янгиланди ва ҳовлида қурилиш ишлари амалга оширилди.
Изоҳ (0)