Namangan viloyat IIB xodimi Isoqjon Jamalov xalqaro qidiruvda bo‘lgan ashaddiy jinoyatchini qo‘lga olish davomida granatani zararsizlantirish chog‘i jarohat olgan va salomatligi sababli nafaqaga chiqarilgandi. Bu haqda “Daryo”ga viloyat IIB matbuot xizmati xabar bermoqda.
U ko‘rsatgan xizmatlari uchun O‘zbekiston Prezidenti Farmoniga muvofiq “Jasorat” medali bilan mukofotlandi. Salomatligi doimiy nazoratda, oilasi, xususan, farzandlari Ichki ishlar boshqarmasi tomonidan homiylikka olinib, zarur anjomlar bilan ta’minlab kelinmoqda.
“Xalq bilan muloqot va inson manfaatlari yili” munosabati bilan ayni kunlarda Isoqjon Jamalov uchun viloyat IIB tomonidan topshirilgan uyda yakuniy ta’mirlash ishlari olib borilmoqda. Yangi darvoza va eshiklar o‘rnatilib, uy shifti yangilandi va hovlida qurilish ishlari amalga oshirildi.
Izoh (0)