Ўзбекистон Президентининг ташқи иқтисодий фаолиятни тартибга солиш тўғрисидаги қарорига мувофиқ, жорий йил 1 сентябрдан бошлаб Ўзбекистонга олиб кирилувчи гўшт ва гўшт маҳсулотлари, парранда ёғи, чўчқа ёғи, буғдой уни ва жониворлар озуқаси акциз солиғига тортилмайди. Бу ҳақда Ташқи савдо вазирлиги матбуот хизмати маълум қилди, дея хабар беради «Газета.uz».
Ушбу санадан бошлаб сарёғ, соя ва кунгабоқар ёғлари, уруғ маҳсулотлари (картошка, буғдой, меслин, жавдар, арпа, жўхори, гречиха, соя, зиғир, кунгабоқар ва бошқалар), жавдар уни, қаттиқ буғдой ёрмаси ва дағал майдаланган уни, шакарқамиш шакари, какао донлари, фармацевтикада фойдаланилувчи хом ашё ҳамда жониворларни озиқлантиришга мўлжалланган айрим маҳсулотлар учун нол фоизли божхона божи қўлланилади.
Шунингдек, 1 сентябрдан бошлаб айрим маҳсулот турлари учун божхона тўловлари ставкалари камайтирилади. Йирик шохли қора мол гўшти ва чўчқа гўшти, чўчқа ёғи, парранда ёғи, гўшт маҳсулотлари, қаҳва, буғдой уни ва шакарқамиш шакари шулар жумласидан.
Кунгабоқар ёғи, шакарқамиш шакари ва қаҳва учун акциз солиғи миқдори ҳам туширилади.
Изоҳ (0)