Шавкат Мирзиёев Испания қиролига ҳамдардлик билдирди

Ўзбекистон Президенти Шавкат Мирзиёев Испания қироли Филип VI га инсонлар ҳалок бўлишига олиб келган Барселона шаҳридаги террористик хуруж сабабли самимий ҳамдардлик билдирди. Бу ҳақда Ташқи ишлар вазирлиги ахборот хизмати хабар берди.

Давлат раҳбари қурбон бўлганларнинг оила аъзолари ва яқинларига ҳамдардлик сўзларини изҳор этди, жароҳатланганларга тез фурсатда соғайишни тилади.