АҚШ президенти Дональд Трамп Twitter’даги саҳифаси орқали Афғонистон бўйича муҳим қарор қабул қилганини билдирди, бироқ қарорининг тафсилотларини маълум қилмади.
«Кэмп-Дэвидда иқтидорли генералларимиз ва ҳарбий етакчиларимиз билан бирга муҳим бир кунни ўтказдим. Кўплаб қарорлар қабул қилдик, хусусан, Афғонистон масаласида ҳам», — деб ёзди Трамп.
Айни вақтда, Америка етакчиси бу қарорлар нималардан иборат эканини баён қилганича йўқ.
Хабар беришларича, АҚШ Афғонистон бўйича кейинги стратегияни белгилаб олишга ҳаракат қилмоқда. Трамп шу сабабли ҳам Афғонистон ва бошқа маслалар бўйича йиғилиш ўтказган.
Ҳозирги вақтда Афғонистонда АҚШ ҳарбий контингенти бўлиб, мамлакат раҳбарияти контингентни ошириш ёки Афғонистондан тўлиқ олиб чиқиш ҳақида бош қотирмоқда.
Изоҳ (0)