Хивадаги «Ичан қалъа» давлат музей-қўриқхонасида 7—9 сентябрь кунлари навбатдаги «Рақс сеҳри» халқаро фестивали бўлиб ўтади. Бу ҳақда Туризмни ривожлантириш давлат қўмитаси матбуот хизмати хабар берди.
Фестивалда маҳаллий ва чет эл рақс гуруҳлари ҳамда ансамбллари иштирок этади.
Фестиваль доирасида турли-туман рақслар ижроси, рақс усталарининг маҳорат сабоқлари, ижодий учрашувлар, фольклор гуруҳлар ва ансамбллар чиқишлари, миллий ўйинлар, анимацион шоулар, саҳналаштирилган ва қўғирчоқ театрлари томошалари намойиш этилади.
Ҳунармандлар, миллий таомлар ва либослар, тасвирий ва амалий санъат кўргазмалари ҳамда «Ўзбекистон рақс санъати тарихи» фотокўргазмаси ташкил этилади.
Изоҳ (0)