Бекобод шаҳрида ташриф билан бўлиб турган Ўзбекистон Президенти Шавкат Мирзиёев шаҳар фаоллари ва раҳбарлари билан учрашди, дея хабар бермоқда ЎзА.
Учрашувда Шавкат Мирзиёев Бекобод шаҳри ва Бекобод туманида болаларни мактабгача таълим муассасалари билан тўлиқ қамраб олиш, бу тажрибани Ўзбекистоннинг бошқа ҳудудларига татбиқ этиш лозимлигини таъкидлади.
Маълумотларга кўра, бугунги кунда Тошкент вилоятида 406 та мактабгача таълим муассасаси фаолият олиб боради. Аввалроқ Шавкат Мирзиёевга Бекобод шаҳридаги «Шудринг» номли боғчага ташриф буюрганида, мактабгача таълимда бола шахсини ривожлантиришга қўйиладиган давлат талабларининг асосий йўналишлари ҳақида сўзлаб берилган эди.Президентнинг Facebook’даги саҳифасида қолдирилган хабарга кўра, Шавкат Мирзиёев соҳани янада ривожлантиришга фақатгина давлат муассасалари эмас, балки нодавлат ташкилотларини хам кенг жалб этиш лозимлигини қайд этган. «Шундагина 2018 йилга бориб мактабгача таълим муассасалари барча болажонларни тўлиқ қамраб олади», — дейилади Президент саҳифасида хабарда.
Изоҳ (0)