UTair авиакомпаниясининг ( Россия) 50 дан ортиқ йўловчиси 17 август, пайшанба куни самолёт алмаштирилгани сабабли Тошкент—Москва рейси бўйича учиб кетолмади. Бундай вазият 18 ва 19 август кунлари ҳам такрорланиши кутилмоқда, дея хабар беради «Газета.uz».
Жадвалга кўра, авиакомпаниянинг 806-рейси 17 август куни 249 та ўрни бўлган Boeing 767 самолётида амалга оширилиши керак эди, бироқ бунинг ўрнига 186 ўринли Boeing 737 учиб келди. 55 нафар йўловчи аэропортда қолиб кетди.
Улардан 40 нафарига 50 минг сўмдан товон пули берилди, қолганларга меҳмонхонадан жой ажратилди.
18 август, жума куни вазият такрорланиши кутилмоқда —Boeing 767 ўрнига Boeing 737 учиб келади. UTair Ўзбекистон авиация мутасаддиларидан қолган йўловчиларни олиб кетиш учун 20 август, якшанба куни қўшимча авиарейсга ижозат сўради.
Самолётларнинг алмаштирилиши сабабларига аниқлик киритилмади.
Изоҳ (0)