Dubai Health Authority мактабларда болалар семизлигининг олдини олиш дастурини ишга туширмоқда. Бу ҳақда UAE Inside хабар берди.
Ортиқча вазнга эга ўқувчилар сонини 2021 йилга қадар 2 фоизгача тушириш мақсад қилинган дастур жорий ўқув йилидан бошланади. Ҳозирда бу кўрсаткич 14 фоизни ташкил этмоқда.
Дастур қисман ишга туширилди: яқинда мактаблар ўқувчиларнинг саломатлик мезонлари ва бундан ота-оналарнинг қониқишига қараб баҳоланадиган Happy School Initiative рейтинги пайдо бўлди. Ундаги муҳим йўналишлардан бири ортиқча вазнга эга болалар фоизи ҳисобланади.
Шунингдек, таълим муассасаларида газли ичимликлар, ёғли таомлар ва бола организмида ёғ миқдорини кўпайтирадиган бошқа маҳсулотларнинг сотуви ва истеъмоли ман этилди.
Изоҳ (0)