Янги сайланган Рим Папаси Лев XIV оддий ҳужрада яшашдан бош тортди. У бир неча йиллардан буён бўш турган Апостол саройидаги ҳашаматли апартаментлардан шахсий қароргоҳи сифатида фойдаланмоқчи, деб ёзмоқда “Focus.ua” нашри.
Янги папа сайланганидан кўп ўтмай, Францискдан фарқли равишда Апостол саройида яшашини маълум қилди. Шу сабабли XVI асрга оид папалик қароргоҳининг таъмирлаш ишлари бошлаб юборилди. Папа бу ерда уч-тўрт нафар кардиналлари, жумладан, Перудан бўлган шахсий котиби — Эдгард Римаикуна Апостол саройининг учинчи қаватида яшайди.
“Бундай қарор черковнинг узоқ тарихий анъаналари билан қанчалик мос келишини билмайман, аммо замонавий давр учун бу албатта янгиликдир. Лев Францискдан ҳар томонлама фарқ қилади: у папалик қароргоҳига қайтмоқда, аммо буни дабдабага берилмасдан амалга оширмоқда”, дейди Ватикан мухбири Якопо Скарамутци.
Марҳум Папа Франциск Ватиканга оид барча ҳашаматни рад этиб, 1996 йилда кардинал конклави учун қурилган Cаса Санта Марта номли кичик меҳмонхонада яшаган эди. Франциск вафотидан кейин эса анъаналарга кўра уларнинг эшиги муҳрлаб қўйилган.
1870 йилдан бери Апостол саройидаги турар жойлар Папаларнинг расмий қароргоҳи ҳисобланади ва ҳар янги сайланган папа бу ерда таъмирлаш ишларини амалга оширади. Охирги олти Пападан уч нафари — Иоанн XXIII, Иоанн Павел I ва Иоанн Павел II папалик қароргоҳларида вафот этган.
Ҳозирча эса таъмирлаш ишлари якунига етгунга қадар Рим папаси Авлиё Пётр собори ёнидаги Сагрестия биносида истиқомат қилмоқда.
Изоҳ (0)