UFC тарихидаги энг кучли жангчилардан бири, собиқ енгил вазн чемпиони Ҳабиб Нурмагомедов октагонга қайтиш учун таклиф этилган 40 миллион долларлик шартномани рад этган. Бу ҳақда унинг яқин дўсти, собиқ UFC чемпиони Даниэль Корме маълум қилган.

Даниэль Корме MMA Fighting нашрига берган интервьюсида бу ҳақида шундай дейди:
Ҳабиб менга айтдики, UFC уни октагонга қайтариш учун 40 миллион доллар таклиф қилган. Лекин у бу таклифга “йўқ” деб жавоб берган. Агар у бу даражадаги пулни рад этган бўлса, демак, биз Ҳабиб Нурмагомедовни энди октагонда ҳеч қачон кўрмаймиз.
36 ёшли Нурмагомедов сўнгги жангини 2020 йил октябрь ойида ўтказган эди. Ўша кечада у америкалик Жастин Гетжини иккинчи раундда бўғиш усули билан мағлубиятга учратиб, UFC енгил вазн тоифасидаги вақтинчалик ва амалдаги чемпионлик камарларини бирлаштирганди.
Шундан сўнг, Ҳабиб профессионал фаолиятини якунлаганини эълон қилиб, мураббийлик фаолиятига ўтган.
Изоҳ (0)