Қорақалпоғистон Республикаси Соғлиқни сақлаш вазирлигига умумий баҳоси 2 миллиард 580 миллион сўмлик 62 та тез ёрдам машинаси берилди. Бу ҳақда «KRuz.uz» маълум қилди.
Нукус шаҳридаги Ёшлар марказида ушбу автомобилларни топшириш маросими бўлиб ўтди.
Қорақалпоғистон Республикаси Соғлиқни сақлаш вазирининг ўринбосари А.Сержановга кўра, вазирлик томонидан тез тиббий ёрдам бригадаларини 41 номдаги дори-дармон билан таъминлаш учун жами 537 миллион сўмлик дори сотиб олиш бўйича ишлар олиб борилди.
Шунингдек, барча тез тиббий бригадаларидаги автомобилларга GPS навигаторлари ўрнатилиб, чақирувларни ўз вақтида қабул қилиш, марказ билан узлуксиз боғланишда бўлишлари учун алоқа воситалари билан таъминланмоқда.
Изоҳ (0)