Юз тузилишига қараб қош шаклини танлаймиз (фото)

Қошлар ҳам соч турмаги каби кишини бутунлай ўзгартириб юбориши мумкин. Тўғри танланган қош шакли эса юзни хушбичим қилиб кўрсатиши мумкин.

Юмалоқ юз

Юмалоқ юзга ўткир учли қайрилма қош энг мос тушади. У баланд кўтарилган ва калта учли бўлиши керак. Аммо қошни ўта ўткир қилиш ҳам керак эмас — у юз юмалоқлигини янада бўрттириб қўйиши мумкин.

Чўзинчоқ/овал юз

Бунда тўғри ва горизонтал қош шаклини танлаш керак, улар бироз бурилган бўлиши мумкин. Бундай юзга аниқ қайрилган жойи бўлмаган тўғри, кенг қошлар ярашади.

Юрак шаклидаги юз

Ўртача узунликдаги сал кўтарилган қошлар мос келади. Учбурчак шаклидаги юзларга, шунингдек, учли иякни юмшатиш учун ёйсимон қошлар ҳам тавсия этилади.

Тўртбурчак юз

Бундай юзларга баландга кўтарилган узун қошлар, ёйсимон қайрилма қошлар ярашади. Асосийси, қошнинг шакли аниқ-равшан бўлмасин, ўткир ва қўпол тарзда қайрилган қошлардан нари юринг.

Қош шаклини қандай белгилаш мумкин?

Қўлга қалам олиб, бурун солинчаги ёнидаги нуқтани кўз ички бурчагидаги нуқта билан бирлаштиринг. Қаламнинг қош билан кесишган нуқтаси қош бошланадиган мукаммал нуқта бўлади. Ушбу нуқтадан қаншарга яқин жойлашган тукчаларнинг барчасини олиб ташлаш керак.

Энди қошнинг энг баланд нуқтасини белгилаймиз: қалам кўз рангдор пардасининг ташқи чегараси орқали ўтадиган вертикал чизиқни аниқлаши керак. Қалам қош билан кесишадиган жойга нуқта қўйинг — у қош чизиғининг энг баланд нуқтаси бўлади.

Энди қош тугайдиган нуқтани топамиз. Қаламни яна бурун солинчагига қўйинг ва уни кўзнинг ташқи бурчаги орқали қошга йўналтиринг. Қош чизиғи ушбу нуқтадан чиқмаслиги керак.

Манба: «Lady.tochka.net»