Кўзларни каттароқ қилиб кўрсатиш учун 6 та ҳийла (фото)

Кўзларни каттароқ ва ифодалироқ қилишнинг синалган усуллари билан танишинг.

1.Катталаштирувчи рангли линзалардан фойдаланинг

Бу ҳийлани корейс қизлар ўйлаб топган. Табиатан қисиқ кўзлар каттароқ кўриниши учун улар кўзнинг рангдор пардаси катталашган линзаларни тақади. Аммо улардан фойдаланишдан олдин офтальмолог билан маслаҳатлашган маъқул. Баъзи одамларда линзаларни жуда қисқа вақт тақиш натижасида ҳам қичишиш юзага келиши мумкин.

2. Кўз бурчакларига ва қош остига оч тус беринг

Тўқ туслар кичикроқ, очлари эса — каттароқ қилиб кўрсатади. Кўзларни катталаштириш учун албатта қовоқнинг ички бурчагини ва қош остини очартиринг. Бунинг учун оч рангли жилосиз тенлардан ёки хайлайтердан фойдаланинг.

3. Кўзга қалам ва подводка билан чизишни тўғри бажаринг

Қалам билан кўз атрофини айлантириб бўяш натижасида кўзлар кичрайиб қолади. Фақат юқори қовоқнинг киприк жойлашган четини бўяш керак. Пастки қовоқда эса фақат киприк остини кўз ярмигача бўянг. Қалам чизиғини яхшилаб ишқаланг ва тен қўйинг. «Стрелка» чизмоқчи бўлсангиз, албатта кўзнинг ташқи бурчагидан қош учларига қарата чизиқ чиқаринг.

4. Пастки қовоқ шиллиқ чизиғига оқ қалам чизинг

5. Кўк, сиёҳранг ёки мовий рангли лайнердан фойдаланиб кўринг

Бу совуқ ва тўқ ранглар макияжни ёрқинроқ, нигоҳингизни эса ифодалироқ қилади.

6. Киприкларингизга ҳажм беринг

Киприклар қанчалик қалин ва узун бўлса, кўзлар шунчалик катта кўринади.

Бунинг учун юқоридаги киприкларни махсус қисқичлар билан қайиринг, сўнг тушнинг биринчи қатламини суринг. Киприкларингизга бироз упа сепиб, иккинчи қатламини суринг. Пастки киприкларга эса фақат бир қават туш суринг ёки умуман бўямасдан қолдиринг.

Манба: «Woman.ru»