Халқ банки Тошкентдаги Олой, Юнусобод ва Қўйлиқ бозорларида банкоматлар ўрнатди. Душанба кунидан бошлаб мазкур банкоматлардан пластик картадаги пулни нақдлаштириш мумкин бўлади. Бу ҳақда «Газета.uz» хабар берди.
Банкнинг ахборот хизматига таяниб, хабар берилишича, битта картадан бир кунда 100 минг сўмгача пулни нақдлаштириш мумкин.
Банкоматлар бозорлар ҳудудида жойлашгани сабабли улардан фақат бозорнинг иш вақти давомида фойдаланиш мумкин бўлади.
Халқ банкининг маълум қилишича, банкоматлар сонининг жамоат жойларида доимий равишда ошириб борилиши режалаштирилмоқда ва улар кун-у тун ишлайди.
Июль ойининг охирида Марказий банк раҳбарияти яқин вақт ичида мамлакатда пулни нақдлаштириш имконияти пайдо бўлиши ҳақида маълум қилган.
Изоҳ (0)