Андижон вилоят ИИБнинг хабар беришича, 2017 йил 9 август куни соат 17:00 да Андижон туманида ўтказилган «Тозалаш-Антитеррор» тадбири давомида Ёрбоши қишлоқ фуқаролар йиғини ҳудудида йўлнинг четида турган фуқаро ўзини шубҳали тутганлиги учун ИИБ ходимлари унинг ҳужжатларини сўраган.
Шунда фуқаро қўлидаги полиэтилен пакетни ташлаб қочмоқчи бўлган. ИИБ ходимлари фуқарони ушлаб, шахсига аниқлик киритган. У Избоскан туманида яшовчи, 1987 йилда туғилган М.Ж. бўлиб чиқди.
Унинг ёнидаги полиэтилен пакет кўздан кечирилганида, жами оғирлиги 1,574 килограмм марихуана гиёҳвандлик моддаси борлиги аниқланган ва далилий ашё сифатида олинган.
Ҳозирги вақтда Андижон туман ИИБ терговга қадар текширувни олиб бормоқда.
Изоҳ (0)