Ички ишлар вазирининг буйруғига кўра (рўйхат рақами 1077-3, 2017 йил 1 август) Муҳрлар ва штампларни тайёрлаш, сақлаш ва улардан фойдаланиш тартиби тўғрисидаги низомга ўзгартиришлар киритилди, деб хабар берди Norma.
Илгари жисмоний шахслар ўз эҳтиёжлари учун шахсий штапмлардан фойдаланиш ҳуқуқига эга эдилар. ФИО туширилган шахсий штампни тайёрлаш учун рухсатнома олиш зарур эди. Бунинг учун ички ишлар органларига ариза топшириб, штамп эскизининг шахсий имзоси билан тасдиқланган 2 нусхасини илова қилиш керак бўларди.
Киритилган тузатишлар натижасида мазкур тартиб ўз кучини йўқотди. Шу тариқа, шахсий штамплар бошқа тайёрланмайди.
Бундан ташқари, муҳр ва штампларни тайёрлаш тартиби аниқлаштирилади. Қуйидагилар аниқлаштирилди:
- Адлия вазирлиги, ИИВ, инвестициялар бўйича Давлат қўмитаси, Марказий банкда давлат рўйхатидан (аккредитациядан) ўтказилган ёки Президент, Вазирлар Маҳкамасининг қарорлари билан ташкил этилган юридик шахсларнинг филиаллари ва ваколатхоналарига уларни ИИВ Патруль-пост хизмати ва жамоат тартибини сақлаш бош бошқармаси беради;
- Қорақалпоғистон Адлия вазирлиги, Тошкент шаҳри ва вилоятлар адлия бошқармаларида давлат рўйхатидан ўтказилган (ҳисобга қўйилган) алоҳида бўлинмаларга – Қорақалпоғистон ИИВ, Тошкент шаҳри ИИББ ва вилоятлар ИИБнинг Патруль-пост хизмати ва жамоат тартибини сақлаш бош бошқармаси беради.
Изоҳ (0)