Ichki ishlar vazirining buyrug‘iga ko‘ra (ro‘yxat raqami 1077-3, 2017-yil 1-avgust) Muhrlar va shtamplarni tayyorlash, saqlash va ulardan foydalanish tartibi to‘g‘risidagi nizomga o‘zgartirishlar kiritildi, deb xabar berdi Norma.
Ilgari jismoniy shaxslar o‘z ehtiyojlari uchun shaxsiy shtapmlardan foydalanish huquqiga ega edilar. FIO tushirilgan shaxsiy shtampni tayyorlash uchun ruxsatnoma olish zarur edi. Buning uchun ichki ishlar organlariga ariza topshirib, shtamp eskizining shaxsiy imzosi bilan tasdiqlangan 2 nusxasini ilova qilish kerak bo‘lardi.
Kiritilgan tuzatishlar natijasida mazkur tartib o‘z kuchini yo‘qotdi. Shu tariqa, shaxsiy shtamplar boshqa tayyorlanmaydi.
Bundan tashqari, muhr va shtamplarni tayyorlash tartibi aniqlashtiriladi. Quyidagilar aniqlashtirildi:
- Adliya vazirligi, IIV, investitsiyalar bo‘yicha Davlat qo‘mitasi, Markaziy bankda davlat ro‘yxatidan (akkreditatsiyadan) o‘tkazilgan yoki Prezident, Vazirlar Mahkamasining qarorlari bilan tashkil etilgan yuridik shaxslarning filiallari va vakolatxonalariga ularni IIV Patrul-post xizmati va jamoat tartibini saqlash bosh boshqarmasi beradi;
- Qoraqalpog‘iston Adliya vazirligi, Toshkent shahri va viloyatlar adliya boshqarmalarida davlat ro‘yxatidan o‘tkazilgan (hisobga qo‘yilgan) alohida bo‘linmalarga – Qoraqalpog‘iston IIV, Toshkent shahri IIBB va viloyatlar IIBning Patrul-post xizmati va jamoat tartibini saqlash bosh boshqarmasi beradi.
Izoh (0)