АҚШ президенти Дональд Трамп маъмурияти бир неча ойдан буён КХДР билан махфий канали орқали дипломатик музокаралар олиб бормоқда. Ушбу канал орқали икки давлат муносабатлари, шунингдек, Шимолий Кореяда тутиб турилган АҚШ фуқаролари тақдири муҳокама қилинмоқда. Бу ҳақда, AP’га асосланиб, «РИА Новости» хабар бермоқда.
Илгари АҚШ ва Шимолий Корея дипломатияси талаба Отто Уормбирнинг озод этилиши борасида музокаралар олиб борган эди. 17 ой ҳибсда тутилган талаба АҚШга қайтиши билан вафот этди. Шундан сўнг алоқалар давом этгани номаълум эди.
Мунтазам алоқани АҚШнинг Шимолий Кореяга нисбатан сиёсат бўйича махсус вакили Жозеф Юн ва БМТдаги КХДРнинг олий мартабали дипломати Пак Сон Иль сақлаб туради. Яширин ахборот йўналиши «Канал Нью-Йорк» деб аталади.
Изоҳ (0)