Санахт қадимий Мисрдаги III сулоланинг «уч ёки тўртинчи» фиръавни бўлган ва унинг шахсияти ҳақида кўп нарса маълум эмас. Эндиликда археологлар у фанга маълум энг қадимги «улкан одам» эканлигига ишонишларига асос бор, деб хабар берди «Наука».
Скандинавиядан тортиб то қадимги Греция афсона ва асотирларида улкан одамлар, титанлар ҳақида кўплаб сўз боради. Бироқ барча улкан одамлар ҳақидаги гап-сўзлар шунчаки тўқима эмас. Жадал ўсиш — организмда бўй ўсишига таъсир қилувчи гармон кўп миқдорда ишлаб чиқарганида содир бўлади ва у гигантизм дейилади. Бу асосан бош миядаги гипофиз безининг атрофида жойлашган ўсимта сабаб содир бўлади, дея маълум қилди Live Science.
Олимлар Мисрнинг Бейт-Халлаф яқинидаги хилхонадан 1901 йилда топилган мумияни тадқиқ қилишди. Дастлабки натижаларга кўра, хилхонага дафн қилинганлар эрамиздан 2700 йиллар олдин ҳукмронлик қилган Мисрнинг учинчи сулоласига тегишли.
Қолдиқлар фиръавн Санахтга тегишли. Унинг бўйи ўша вақтда 198 сантиметни ташкил этган, мисрликларнинг ўртача бўйи эса у вақтларда 170 сантиметрга аранг етган.
Қадимги Миср фиръавнлари ўз қўли остидаги мулозимларидан кўра яхшироқ овқатланган ва соғлом бўлган, шу сабабли уларнинг бўйи баланд бўлгани ажабланарли эмас. Шунга қарамай Санахт Рамзес II дан (175 сантиметр) анча баланд.
Санахтнинг бош чаноғи ҳамда суякларини текширувдан ўтгазган олимлар, фиръавн гигантизмдан азоб чекканини аниқлашди. Санахт кутилмаганда фанга маълум улкан одамлар ичидан энг қадимийсига айланди ва олимларга касалликнинг эволюциясини ўрганиши учун ишора кўрсатди.
Изоҳ (0)