Санта-Барбарадаги Калифорния университети жамоаси Computational Zoom технологиясини ишлаб чиқди, деб ёзади «Naukatv.ru». У кадр олинганидан кейин суратлар композициясини бошқариш имконини беради.
Оддий суратга олиш жараёнида фотосуратчи суратнинг композициясини қатъий белгилаб қўйиши керак — уни кейинги ишлов бериш босқичида тўғрилаб бўлмайди. Computational Zoom деб ном олган тизим айнан шу муаммони ҳал қилади. У таҳрирлаш чоғида кадрдаги объектлар ҳажми ва позициясини бошқариш имконини беради: фотосуратчилар, масалан, кенг бурчакли ва телеобъектив перспективаларни битта мультиперспектив тасвирга бирлаштира олади.
Бундай кадрни ясаш учун фотосуратчи камера билан саҳнага тобора яқинлашган ҳолда кетма-кет суратлар олиши керак — алгоритмлар ўткирлик (резкость) чуқурлиги харитасини тузади, сўнг эса барча тасвирларни ягона суратга бирлаштиради.
Изоҳ (0)