Volkswagen AG компанияси ижрочи директори Оливер Шмидт АҚШнинг Детройт округ судидаги йиғилишда концерн дизель автомобилларининг зарари ҳақидаги маълумотларни қалбакилаштириш бўйича айбдорлигини тан олди. Бу ҳақда Reuters хабар бермоқда.
Келишувга биноан, айбини тан олганидан сўнг Шмидт 7 йилгача озодликдан маҳрум этилиши, шунингдек, 40–400 минг доллар жаримага тортилиши мумкин. Суд ҳукмни 6 декабрь куни ўқиб эшиттиради.
Июнь ойининг охирида АҚШ молия вазирлиги Интерполга Volkswagen компаниясининг беш нафар собиқ менежерлари юзасидан сўров юборган эди. Бу рўйхатда Volkswagen бошқарувининг собиқ раиси Мартин Винтеркорннинг икки ишончли вакили ҳам бор эди.
Изоҳ (0)