АҚШ армияси ўз ҳарбийларига Хитойнинг DJI компанияси томонидан ишлаб чиқарилган учувчисиз учиш қуриламаларида аниқланган киберзаифлик сабаб ушбу дронлардан фойдаланишни тақиқлади. Бу ҳақда Reuters агентлигига таяниб, «Корреспондент.net» хабар берди.
DJI дастурий таъминоти ва тизимида ишлайдиган барча учувчисиз учиш қурилмаларидан фойдаланадиган армия қисмларига хабар юборилган. Унга кўра, ҳарбий хизматчилар дронлардан ҳар қандай мақсадда фойдаланишни тўхтатиши, барча созламаларини ўчириши, батареяларини ва маълумотларни тўпловчи қисмини олиб ташлаши ҳамда кейинги топшириқлар берилгунига қадар қурилмани хавфсиз жойга топшириши талаб қилинган.
Таъкидланишича, DJI дронлари АҚШ армияси фойдаланадиган ушбу турдаги тайёр қурилмалар орасида кенг қўлланилади.
DJI компанияси эса АҚШнинг бу каби қароридан «ҳайратда эканликларини ва ҳафсаласи пир бўлганлигини» маълум қилди ҳамда чекловни «асоссиз» дея атади.
DJI компанияси жаҳон бозоридаги тижорат учун мўлжалланган учувчисиз учиш қурилмаларининг салкам 70 фоизини назорат қилади. Goldman Sachs таҳлилчилари бозорнинг умумий ҳажми яқин беш йилда 100 миллиар доллардан ортиқ бўлишини баҳоламоқда.
Изоҳ (0)