Исроилда чегарани ажратиб турувчи деворда Трампнинг тасвири туширилган улкан граффитлар пайдо бўлди

Қуддус ҳамда Вифлеемни ажратиб турувчи деворда АҚШ президенти Дональд Трампнинг тасвири туширилган иккита улкан граффит пайдо бўлди. Бу ҳақда AP агентлигига таяниб, «РИА Новости» хабар берди.

Граффитларнинг бирида Трамп девор четидаги қўриқчилар минорасини қучоқлаётгани ва уни ўпаётгани тасвирланган бўлиб, Америка президентининг оғзидан майда қизил юракчалар чиқмоқда.

Иккинчи граффитда Трамп қора кастюм ва бошида яҳудийларнинг дўпписи билан тасвирланган. У қўли билан деворга тегинмоқда. Бу каби суратлар Трампнинг май ойида Қуддусдаги Йиғи деворига ташрифи чоғида олинган эди. Граффитга «Мен сенга ука қуриб бераман» сўзлари қўшимча қилиб ёзилган.

Аввалроқ, Трамп АҚШ ва Мексика чегаралари ўртасида девор қуришни ва бу деворга кетадиган сарф-ҳаражатларни Мексика ҳукумати тўлаши кераклигини айтган эди. Лотин Америкаси мамлакати эса бир неча бор ушбу сарф-ҳаражатларни тўламаслигини маълум қилган.

ОАВ тахминларига кўра, граффитларни энг машҳур ва сирли кўча рассоми Бэнкси чизган бўлиши мумкин. Бэнкси бундан аввал ҳам бир неча бор Фаластин ҳудуди ва Исроилни ажратиб турувчи деворга граффитлар чизган эди.