Конго демократик республикасида март ойидан июнь ойига қадар 251 киши, жумладан, 61 нафар болалар ўлдирилган. Касаи провинциясидаги зўравонликлар борган сари авж олмоқда. Бу ҳақда БМТнинг инсон ҳуқуқлари бўйича Олий комиссариати бошқармасининг ҳисоботига сўз боради, деб хабар берди «Корреспондент.net».
Ҳужжат қўшни Анголада давлатига қочишга улгурган 96 кишининг кўрсатмаси асосида тузилган. Бошқарма вакили Скотт Кемпбеллнинг сўзларига кўра, ҳуқуқ-тартибот ходимлари суриштирув ўтказган кўплаб одамларда чандиқлар бўлган ёки уларнинг қўл ва оёқлари кесилган.
«Қочоқлар айтган ҳикоялар мутлақо дахшатли, ҳатто бу каби ишларга кўникиб қолган бизнинг ходимларимиз учун ҳам. Анголада эса жуда тажрибали жамоа ишлаган. Бироқ улар ҳам камдан-кам ҳолларда ваҳшийликнинг бу каби даражаси ҳақида хабар беришган», — дейди Кемпбелл.
Гувоҳларнинг айтишича, одамлар тириклайин ёқиб юборилади ёки ростдан ҳам «майда бўлакларга» бўлиб ташланади. Инсон ҳуқуқлари ҳимояси бўйича бошқармани ҳавотирга солаётган асосий нарса, ваҳшийликлар борган сари этник белгиларга эга бўлмоқда ва ҳукумат розилигида амалга оширилмоқда.
12 мартдан 19 июнга қадар Касаи провинциясидаги Камония кичик ҳудудининг ўзида камида 251 киши ўлдирилган, жумладан, уларнинг 62 нафари ёш болалар.
Изоҳ (0)