Гавайи ороллари акваториясида олимлар наҳанг (акула)нинг янги турини аниқлади: узунлиги тахминан 30 см, оғирлиги бир килограммга яқин бўлган балиқ қоронғиликда нур тарата олади, деб ёзади National Geographic.
Тинч океанида, Гавайи архипелагининг шимоли-ғарбий соҳилида тутиб олинган акула Etmopterus ёхуд тиканли қора акулалар ёки нур сочувчи қора акулалар оиласига тегишли. 30 дан 90 сантиметргача катталикдаги ушбу балиқлар Шимолий Муз океанидан бошқа барча океанларда яшайди. Уларнинг танаси нур сочувчи фотофорлар билан қопланган. Улар катта чуқурликларда яшагани сабабли олимлар эътиборига камдан-кам ҳолларда тушади. Ва айнан қоронғиликда яшаш улардан нур сочиш қобилиятини талаб қилган.
Янги тур вакили Etmopterus Lailae деб ном олди.
Изоҳ (0)