Мюнхеннинг «Бавария» клуби ўзи мезбонлик қилган Audi Cup турниридаги иккинчи ўйинда ҳам гол ура олмай, имкониятни бой берди.
3-ўрин учун кечган беллашувда Бундеслига етакчиси А сериянинг учинчи жамоасига қарши саф тортди ва 0:2 ҳисобида имкониятни бой берди. Ярим финалда Англиянинг «Ливерпуль» клуби «Бавария» постига 3 та жавобсиз гол урганди.
Шу тариқа Мюнхен жамоаси Audi Cup мусобақасини сўнгги ўринда якунлади. Финал «Атлетико» ва «Ливерпуль» ўртасида бўлиб ўтади.
Мавсумга тайёргарлик давомида «Бавария» Чемпионлар халқаро кубогида иштирок этган бўлиб, Италиянинг яна икки клубига имкониятни бой берганди — «Милан» 0:4 ва «Интер» 0:2. «Арсенал» билан учрашув 1:1 ҳисобида якунига етган. «Бавария»нинг ўртоқлик ўйинларидаги ягона ғалабаси «Челси» билан ўйинда қўлга киритилди — 3:2.
Изоҳ (0)