Қатар ўзига нисбатан бойкот эълон қилган мамлакатлар ташқи ишлар вазирларининг Манамадаги учрашуви якунида қабул қилинган баёнотда келтирилган, тангликдан чиқиш бўйича музокаралар учун шартларни рад этади. Бу ҳақда Қатар ташқи ишлар вазири Муҳаммад бин Абдул Раҳмон Ал Таний айтиб ўтди, деб ёзади «ТАСС».
Саудия Арабистони, Бирлашган Араб Амирликлари, Баҳрайн ва Миср ташқи ишлар вазирлари 30 июль, якшанба куни Қатар аввалроқ илгари сурилган «талабларни бажариш учун самимий хоҳиш билдирса», у билан музокараларга тайёрлигини эълон қилган эди. Бунда гап араб «тўртлиги» томонидан Доҳага инқироз бошида маълум қилинган 13 та шартдан иборат рўйхат ҳақида бормоқда.
Бу мамлакатлар Қатарга қарши қабул қилинган чоралар уларнинг суверенитети ва миллий хавфсизлигига алоқадор дея таъкидламоқда, аксинча, бу қадамлар (яъни, бойкот) халқаро ҳуқуққа ва одамнинг кўчиб юриш эркинлигига зиддир», — деди вазир.
Ал Танийнинг фикрича, Манамадаги учрашув араб мамлакатлари амирликка жорий этилган санкциялар ноқонуний эканлигини тан олишдан бош тортган ҳолда, Қатарга нисбатан «муросасиз сиёсат олиб боришда давом этаётгани»ни кўрсатди.
Изоҳ (0)