Франциялик эркак машинада полиция патрули устига бостириб бориб, ҳалок бўлди

Франциянинг Ренн шаҳри марказий вокзалида «Рено Твинго» автомобилининг маст ҳайдовчиси полициячиларни босиб кетишга уринди, деб ёзади «Вести.ru».

Аввалроқ маҳаллий фуқаро «вокзал яқинида шовқин-сурон кўтарган, мотоцикл ва столларни ағдарган ва ёнида пичоқ бўлиши мумкин бўлган» безори ҳақида маълум қилган эди. Сўнг безори автомобилга ўтириб, уни ҳайдаб кетган.

Етиб келган полициячилар машинани кўздан кечирмоқчи бўлганида эркак автомобилни полициячилардан бирига қарата ҳайдади. Тартиб посбони шикастланишлар олиб, касалхонага тушди. Икки полициячи қоидабузарни ўққа тутди.

600 метрдан сўнг ҳайдовчи назоратни йўқотди, машина эса ағдарилиб кетди. Ҳайдовчи ҳалок бўлди, йўловчи эса ҳушёрхонага олиб кетилди.

Теракт версияси ҳозирча кўриб чиқилмаяпти.