Хитой шимолидаги Ички Мўғулистон автоном туманида жойлашган Чжужихе полигонида Хитой армиясига асос солинганининг 90 йиллигига бағишланган ҳарбий парад бўлиб ўтди. Бу ҳақда «Газета.ru» хабар бермоқда.
Мамлакат раҳбари Си Цзиньпин иштирок этган парадда 12 минг ҳарбий хизматчи иштирок этди, 129 ҳарбий самолёт ва 571 та қуруқликдаги қурилма намойиш этилди.
Тадбир давомида кўрсатилган техниканинг 40 фоиздан ошиғи илк бор тақдим этилгани таъкидланмоқда. Жумладан, биринчи маротаба Хитойнинг янги DF-31AG қитъалараро баллистик ракетаси намойиш этилди.
Изоҳ (0)