Махфий маълумотлар чиқиб кетишига АҚШ маъмуриятидаги расмийлар билан тўғридан-тўғри алоқа боғлашга йўл бермайдиган муҳит сабаб бўлмоқда. Бу ҳақда Марказий разведка бошқармасининг собиқ раҳбари генерал Майкл Хайден маълум қилди, деб хабар беради «РИА Новости».
«Одамлар барча муқобил вариантлардан маҳрум бўлганда маълумотларни ўғирлайди. Биз маъмуриятнинг ўзидаги муҳит туфайли шундай муаммога дуч келяпмиз. Агар буни истамасангиз, маъмуриятдаги муҳитни ўзгартиринг», — деди Хайден CNN каналига берган интервьюсида.
Хайден 2006 йилда бошқармага ишга келганида ОАВда «МРБ даги манбалар»га таяниб, тез-тез махфий маълумотлар пайдо бўлганини эслади. У қўл остидагилар билан алоқани йўлга қўйиб, бундай ҳолатларни қисқартиришга муваффақ бўлди.
«Сиёсатим оддий эди: ходимлар билан коммуникацияни йўлга қўйиш. Президентга бундай тавсиядан йироқман, бироқ уларга электрон почтам манзилини берган ва ҳар бир мактубга жавоб қайтаргандим. Икки ҳафта давомида мингдан ортиқ хат олдим. Шундан кейин уларнинг сони камая бошлади, маълумотларнинг четга чиқиб кетиши ҳам», — таъкидлади Хайден.
Изоҳ (0)