Бугун Чески — Кремний водийсининг энг ёш ва бадавлат бизнесменларидан бири. У бундай омадга қандай эришганлиги ҳақида InsiderPro нашри ҳикоя қилади.
Брайан Чески Airbnb’ни яратгунга қадар технологияларни тушунмаган.
35 ёшли бош директор саноат дизайни ихтисослиги бўйича коллежни тамомлаган, ёшликда эса ҳоккей ва бодибилдинг билан шуғулланган. Бироқ унинг меҳмонхоналар тўла бўлган шароитларда турар-жой топиш имконини берувчи ғояси кўп миллиардлик стартапга айланди.
Чески технология соҳасида энг бой ёш тадбиркор бўлишга қандай эришди?
Чески Нью-Йорк штатининг кичкина шаҳарчаси — Нискеюнеда ўсди. У ҳоккей ўйнаш, шунингдек, расм чизиш ва Nike’нинг янги кроссовкаларини ўйлаб топишни ёқтирар эди. Бу ижодга бўлган қизиқишга айланди.
Чески мактаб битирув альбомига бор-йўғи битта: «Ишончим комилки, ҳеч нарсага арзимайдиган инсон бўламан», — деган жумлани ёзди. Унга бу ҳазил бўлиб туюлди, бироқ унинг отасига бу ҳазил ёқмади.
«Бироз вақт аввал дадам эски мактабим ўқувчилари олдида шарафли битирувчи сифатида чиқиш қилишимни эшитиб хурсанд бўлди. Учрашувни кутиб қоламан, дада!», — деб ёзади Чески Instagram’даги саҳифасида.
1999 йилда Чески Род-Айленд Дизайн мактабида таълим олиб, саноат дизайнини ўрганган, шунингдек ҳоккей жамоасига бошчилик қилган.
Айнан шу ерда у Airbnb’нинг бўлажак асосчиларидан бири Жо Геббиа билан танишади.
Геббиа Fortune нашрига берган интервьюсида битирув оқшомидан сўнг Ческини четга тортиб, «Самолётга ўтиришингдан олдин сенга бир нарсани айтмоқчиман. Биз ўз ишимизни очмоқчимиз, у ҳақда бир кун китоб ёзилади» деганини хотирлайди.
Чески 20 ёшида истиқболи порлоқ бодибилдер эди. Уни бугунги кунда ҳам «40 сантиметрли бицепс» деб аташади.
Коллежни якунлаган Чески Лос-Анжелесга кўчиб ўтди ва саноат дизайнери ихтисослиги бўйича ишлай бошлади.
Бироқ тез орада улар Геббиа билан Сан-Францискога келди. 2007 йил дизайнерлар учун конференция ўтказилаётган вақтда шаҳарнинг ҳеч бир меҳмонхонасидан жой банд қилишнинг имкони йўқ эди. Шунда Геббиага меҳмонхонада хона топа олмаганлар учун турар-жой ижарага бериш каби ажойиб ғоя келди.
Учинчи ҳамасосчи Натан Блечарзик билан бирга Геббиа ва Чески Airbedandbreakfast.com сервисини ишга туширди.
Ўшандан буён стартап номи Airbnb’гача қисқарди ва у 34 минг шаҳар ва 60 миллион меҳмонни қамраб олди (2016 йил ҳолатига кўра). Ҳозирги пайтда у АҚШда катталиги бўйича иккинчи стартапга айланган, унинг капитализацияси 31 миллиард долларни ташкил этди.
2015 йилда Чески Times журнали версияси бўйича ҳозирда ҳаёт 100 нафар энг нуфузли кишилар рўйхатига кирди. Apple етакчи дизайнери Жонатан Айв «Ческининг дадиллиги» ғаройиб эканлиги ҳақида ёзган эди.
Ҳозир Брайан Чески 35 ёшда, у Airbnb’нинг 13 фоиз улуши эгаси, унинг шахсий даромади 3,8 миллиард долларга баҳоланади. У 40 ёшгача бўлган дунёнинг энг бой тадбиркорлари рўйхатининг саккизинчи ўрнидан жой олган (Forbes талқини бўйича).
Airbnb’нинг ҳар учала асосчиси ўз бойлигининг 50 фоиздан ортиғини Уоррен Баффет, Билл ва Мелинда Гейтснинг хайрия ташаббусига эҳсон қилишга ваъда берган.
Ҳозирги пайтда Чески рассом Элисса Пател билан учрашмоқда. У Элисса билан тўрт йил аввал Тиндеръда танишиб қолган.
Чески ва Пател ҳар ҳафта ёга билан шуғулланади ва бутун Сан-Франциско бўйлаб Airbnb орқали турар-жой брон қилади.
Бир муддат аввал Чески ва асли келиб чиқиши ҳиндистонлик Пател Airbnb Тоur 2017 деб номлаган саёҳат доирасида Деҳлига ташриф буюрди.
Яқин вақтга қадар Ческининг ўзи ҳам Airbnb орқали турар-жойни ижарага берган. Бироқ унга ижарага берувчидан рўйхатдан ўтишни талаб қилувчи Сан-Франциско қонунчилигини бузиш айби эълон қилингандан сўнг, Чески эълонни олиб ташлашга мажбур бўлди.
2014 йилда Чески бошқарув жиловини Натан Блечарзикка топширди, бироқ у ҳамон компания бош директорилигича қолмоқда. Ҳозирда ёш тадбиркор стартапни талабга тўлиқ жавоб берадиган сайёҳлик компаниясига айлантириш устида ишламоқда.
Изоҳ (0)